Тропари, кондаки, молитвы

Тропарь, кондак прмч Крониду Радонежскому

Месяца ноемвриа в 27-й день
Преподобномученика Кронида Радонежскаго

Тропарь, глас 1:

Преподобному Сергию от юности последуя,/отче богомудре Крониде,/ веру во Святую Троицу стяжал еси/ и даже в старости мастите до крове сохранил еси./ Темже и мы, чада твоя, любовию вопием ти:/ слава Давшему ти силу терпения,/ слава Увенчавшему тя, яко мученика,/ слава Спасающему тобою души наша.

Кондак, глас 2:

Яко верный ученик преподонаго Сергия,/послушанием, смирением и молитвою/ душу твою очистил еси, Крониде приснопамятне,/ и Божиим промышлением во игумена обители Троицкия/ достойно поставлен был еси./ Во дни же гонения лютаго/ за Христа и вверенную ти братию,/ яко мученик, пострадал еси./ Сего ради ныне, предстоя Святей Троице,/ моли, еже Лавре Сергиевой утвержденней быти/ и спастися душам нашим.