Тропарь преп Иулиании и Евпраксии

Тропарь и кондак
Преподобным женам Иулиании и Евпраксии

Тропарь, глас 1:

Христу Жениху уневеститися возжелавшыя / и подвиги иноческия Того ради понесшыя,/ добродетельным житием и любовию ко всем / себе украсившыя, преподобныя Иулиание и Евпраксие./ Во граде Москве первыя обители девическия / устроительницы явистеся / и трудов и подвигов брата вашего святителя Алексия / ревнительницы показастеся./ Сего ради, ныне на Небесех вкупе с ними торжествующе,/ молите граду Москве в Православии утвердитися,/ обители вашей сохранитися / и спастися душам нашим.

Кондак, глас 2:

Что вас наречем, богомудрыя Иулиание и Евпраксие?/ Немощный сосуд естеством, / но подвиги и труды мужески понесосте;/ преподобныя жены,/ но славы отцев воистинну сподобистеся;/ рода благаго от земных,/ но Небеснаго отечества достигосте./ Молите усердно Владыку Христа спастися душам нашим.