Служба прпп. Кириллу и Марии (ц-сл.)

Месяца септембрiа в ки день
Служба прпбнымъ кириллу и марии,
родителемъ прпбнаго сергия радонежскаго
На велицей вечерни
Блженъ мужъ: а-й антифонъ. На Гди воззвахъ: стiхиры, гласъ и:
Подобенъ: О, преславнаго чудесе:

Буди блгословенна, земле ростовская, / въ малемъ селении варнице/ блгочестивую чету всему миру явившая, / кирилла и марию приснопамятныхъ, / добрый образъ честнаго супружества, / достойныя родители сергия великаго. / Тии бо ныне престолу бжию / вкупе предстояще, / молятся о спасении душъ нашихъ.
Именитии и славнии / боярскаго рода наследницы, / княземъ ростовскимъ вернии служителие, / всехвальнии кирилле и марие, / безвестную варницу лепоте градстей предпочетши, / идеже блгочестно поживше, / воистинну древо доброплодное явистеся, / плодъ прекрасный израстивше сергия великаго и досточуднаго.
Прпбне отче кирилле, / печальника земли русския блгословенный родителю, / въ годину тяжкихъ испытаний, / многочастне въ станъ неверныхъ княземъ ростовскимъ сшествуя, / блгая отечеству и церкви/ устрояти вспомоществовалъ еси. / Ныне же въ селениихъ нбныхъ водворяяся, / молися гду / да спасетъ отъ работы греховныя души нашя.
Преподобная мати Марие, / благочестиемъ и целомудриемъ сияющи, / житиемъ твоимъ Богу угодила еси, / Той же сотвори тя достойну / избранный сосудъ Духа Святаго чревоносити / и служителя усерднаго Святыя Троицы миру явити. / Ныне же съ нимъ въ селениихъ праведныхъ водворяющися, / молися Господу / спастися душамъ нашимъ.

Слава, гласъ 5:
Приидите, вернии, / похвальными словесы родители Сергия преподобнаго восславимъ, / достохвальную чету, добрейшия супруги, / таковому младенцу сподобльшияся быти родители. / Богъ предуготова я къ дивному сему рождеству, / быста бо угодницы Божии, / праведницы пред Нимъ и людьми, / евангельскому гласу возследницы / и всякими добродетельми украшеннии, / иже и ныне предстоятъ Престолу Святыя Троицы / и молятся о душахъ нашихъ.
И ныне, Богородиченъ.
Входъ. Прокименъ дне. Чтения преподобническая.
На литии стихиры, гласъ 3:
Въ храме стоящей Марии блаженней, / и глаголы Евангелия готовей слышати, / внезапу взыграся младенецъ во чреве ея / и гласомъ велиимъ возопи, / благовестника Слова Божия себе предзнаменуя.
Въ храме стоящей Марии всехвальней, / прежде даже не певаемей песни Херувимстей, / паки во утробе ея младенецъ возгласи, / со Ангелы прославляя / грядущаго на вольная страдания Христа Жизнодавца.
Въ храме стоящей Марии преславней, / иерею же Святая святымъ возгласившу, / се уже третие возопи младенецъ во утробе ея, / пророчески себе назнаменуя / благоговейнаго служителя тайн Тела и Крови Господнихъ.
Слава, гласъ и:
Что убо отроча сие будетъ / въ страсе и трепете кийждо другъ друга вопрошаху / слышавшии трикратное младенца возглашение. / Ты же, Марие блаженная, / въ знамении семъ предзрела еси избрание твоего чада / на служение Триединому Богу / и поклонение Ему въ дусе и истине.

И ныне, Богородиченъ.
На стиховне стихиры, гласъ и:
О веры славныя, о любве благия! / Всечестнии Кириллъ и Мария,/ яко же и во дни древния / Анна, мати Самуила пророка, / въ служение и даръ Богу, Дарователю всяческихъ благъ, / прежде даже не родитися ихъ младенцу, / въ совете своемъ того приносятъ.
Стихъ: Честна предъ Господемъ / смерть преподобныхъ Его.
Богомудрии Кирилле и Марие, / чадо ваше Варфоломея, / иже есть сынъ радости, нарекли есте, / той бо воистинну Российстей Земли явися / радование, скорый помощникъ / и преславный чудотворецъ.
Стихъ: Что воздамъ Господеви о всехъ, / яже воздаде ми?
Промышлениемъ Божиимъ водимии, / преподобнии Кирилле и Марие, / въ землю Радонежскую преселистеся, / юже и добродетельми вашими украсили есте, / подвиги благочестия показавше, / и люди въ ней живущия, / путемъ Христовымъ шествовати поучали есте, блажении.
Слава, гласъ 4:
Въ подвизе родительстемъ добре трудившеся, святии, / въ немъ же и чада ваша, / Петра, Стефана и Варфоломея избраннейшаго, / въ ревностнемъ служении Триединому Богу / и Пречистей Божией Матери воспитасте. / Ныне и намъ молитвами вашими помозите, блажении, / путемъ Христовымъ неленостно шестовати.
И ныне, Богородиченъ.
Тропарь, гласъ 3:
Блаженствъ Христовыхъ причастницы, / честнаго супружества и попечения о чадехъ добрый образе, / праведнии Кирилле и Марие, / плодъ благочестия, Сергия преподобнаго, намъ явившии, / съ нимъ же усердно молите Господа / низпослати намъ духъ любве и смиренномудрия, / да въ мире и единомыслии / прославимъ Троицу Единосущную.

На утрени
На Богъ Господь: тропарь преподобнымъ, дважды. Слава, и ныне, Богородиченъ.
По 1-мъ стихословии, седаленъ, гласъ 5:
Благословенна буди, достойная супружеская чето, / всехвальнии Кирилле и Марие, / матери бо пророка Самуила, Анне подражавшии, / и яко та, такожде и вы младенца, аще родится мужеска пола, / Богу служити въ совете своемъ положили есте.
Слава, и ныне, Богородиченъ:
Величия Твоя, Богоблагодатная, кто исповесть? / Бога бо плотию родила еси, / ключи девства нерушимы сохраньши / и чистотою богоприятнаго существа Твоего вся Небесныя силы превозшедши. / Темже песньми немолчными восхваляем Тя, / Едина Благословенная.
По 2-мъ стихословии седаленъ, гласъ 4:
Страннолюбия добродетель явисте, святии, / въ дому бо вашемъ на всякъ день, / вси требующии помощи прибежище и любовь, яже во Христе, обретаху.
Слава, и ныне, Богородиченъ:
Милосердия двери отверзи намъ, Благословенная Богородице, / надеющиися на Тя, да не погибнемъ, / но да избавимся Тобою от бедъ, / Ты бо еси спасение рода христианскаго.
По полиелеи седаленъ, гласъ а:
Вечная ваша память, достоблаженнии Кирилле и Марие, / яко въ родъ и родъ благочестнымъ житиемъ вашимъ / вернии людие спасение улучати поучаются.
Слава, и ныне, Богородиченъ:
Упование христианомъ, Пресвятая Дево, / Бога, Его же родила еси, паче ума и слова, / непрестанно моли съ Вышними силами и съ преподобными Кирилломъ и Марией / дати оставление согрешений нашихъ.
Таже степенна, а-й антифонъ г-го гласа. Прокименъ, глас г:
Честна предъ Господемъ / смерть преподобныхъ Его. Стихъ: Что воздамъ Господеви о всехъ, яже воздаде ми? Всякое дыхание: Евангелие отъ Матфея, зачало мв.
По 50-мъ псалме стихира, гласъ s:
Приидите, вси вернии, / родители Сергия Великаго восхвалимъ, / сии бо въ лице святыхъ Земли нашея / предстоятъ Престолу Пресвятыя Троицы / и прилежно молятся / о спасении душъ нашихъ.

Канонъ Пресвятей Богородице и преподобнымъ, глас 8, егоже краегранесие: Прославляю родители Сергия Великаго.
Пэснь а.
Iрмосъ: Колесницегонителя фараона погрузи, / чудотворяй иногда/ Моисейский жезлъ, крестообразно поразивъ / и разделивъ море, / Израиля же беглеца, пешеходца спасе, / песнь Богови воспевающа.
Припевъ: Преподобнии Кирилле и Марие, молите Бога о насъ.
Преподобнаго Сергия, игумена Земли Русския, / светлостьми добродетелей возсиявшаго, / родители сподобистеся быти, Кирилле и Марие присноблаженнии.
Ревностно храняще заповедь апостола, страннолюбия не забывати,/ любовию къ ближнимъ распалаеми, / воистину удостоистеся, блаженнии, Ангела Божия странноприяти.
Образу вашего благочестиваго супружескаго жития многия люди удивишася, преподобнии. / Сего бо ради Бгъ васъ прослави и дарова плодъ благославный, / его же Варфоломея, сына радости нарекосте.
Богородиченъ: Славим Тя, Богоневесто, рождшую Христа, Бога нашего, / Его же моли помиловати и спасти души наша.

 

Пэснь в.
Iрмосъ: Утверждей въ начале Небеса разумомъ / и землю на водахъ основавый, / на камени мя, Христе, заповедей Твоихъ утверди,/ яко несть святъ, паче Тебе, Едине Человеколюбче.
Людие чудяхуся, / егда услышаша трикратное возглашение младенца во чреве твоемъ, Марие приснопамятная. / Что убо отроча сие будетъ, / - недоумевающе другъ друга вопрошаху.
Аще родится младенецъ мужеска пола, / приведемъ его въ церковь, да послужитъ Благодетелю всехъ Богу, / - сице рекли есте, боголюбивии супрузи, / исполненнии веры славныя и любве благия.
Великия милости сподобистися от Бга добронравнымъ житиемъ вашимъ, блаженнии. / Темже и намъ испросите богоприятными вашими молитвами / оставление греховъ, милости Божия и Царства Небеснаго.
Богородиченъ: Лютаго миродержца сетей избави насъ, о Богомати,/ несть бо теплыя Заступницы, разве Тебе, Владычице.
Седаленъ, гласъ б:
Прииде, вернии, радостными песньми прославимъ преподобныхъ Кирилла и Марию, / и, съ любовию лобызающе честныя мощи ихъ, сице возопиимъ: / радуйтеся, блаженнии, въ боголюбии пожившии, милосердие къ ближнимъ имевшии, / образъ честнаго супружества и попечения о чадехъ явившии,/ смирение стяжавшии и въ постничестве пребывшии. / Ныне же, предстояще Святей Троице, молитвами вашими, святии, отечество наше отъ сопротивныхъ защитите, / болезни исцелите и всякихъ искушений избавите / верою чтущих память вашу.
Слава, и ныне, Богородиченъ:
Не имамы иныя помощи и надежды, / разве Тебе, Пречистая Мати Божия,/ Ты бо Бога плотию родила еси паче слова и разума. / Его же моли, Безневестная, съ преподобными Кириллом и Мариею / подати намъ миръ и велию милость.

Пэснь г.
Iрмосъ: Ты моя крепость, Господи, / Ты моя и сила, / Ты мой Бгъ, Ты мое радование, / не оставль недра Отча / и нашу нищету посетивъ. / Темъ съ пророкомъ Аввакумомъ зову Ти: / силе Твоей слава, Человеколюбче.
Яко же святый Предтеча взыграся радощами во чреве матери своея, / тако и сынъ твой, Марие преподобная, взыграся во утробе, молящейся ти Господу въ церкви. / Ты же, страхомъ и трепетомъ объята бывши взывала еси: / силе Твоей слава, Человеколюбче.
Юдоли плачевней причастницы бывше, / обаче подвигъ супружества преславне совершивше и во иночестве поживше, преподобнии, / ныне наслаждаетеся Небесныя трапезы. / Молитеся ко Господу, да умудритъ православныя супруги во благочестии пребывати, / иночествующим же ревностно обеты соблюдати.
Радости исполняются днесь российстии собори, / имущи васъ, блаженнии, теплыя молитвенники / и усердныя заступники своему земному отечеству.
Богородиченъ: О, Всепетая Мати! О, мира Спасение! / Не остави верою Тя призывающихъ, / Ты бо еси Заступница усердная рода христианскаго.
Пэснь д.
Iрмосъ: Вскую мя отринулъ еси / отъ лица Твоего, Свете Незаходимый, / и покрыла мя есть чуждая тьма, окаяннаго, / но обрати мя и къ свету заповедей Твоихъ / пути моя направи, молюся.
Днесь память ваша, блаженнии, созываетъ люди на духовную трапезу. / Темже сподобите и насъ достойно сия вкусити, / да и пищи райския во обителехъ Отца Небеснаго вкупе съ вами насладимся.
Имуще житие благочестиемъ сияющее, достославнии, родителие, / воистину древо благословенное явистеся, / плодъ прекрасный израстивше.
Теплоту вашея любве къ Богу, праведная чето, / и ревность къ иноческому житию восприятъ сынъ вашъ, Сергий достохвальный, / навыкая добродетелем и служа вамъ до блаженнаго преставления вашего.
Богородиченъ: Едину Чистую, едину Благословенную, вернии, ублажимъ, / къ Сыну бо Своему милостивно руце простираетъ, / да обратимся къ свету заповедей Его и пути наша исправим.
Пэснь s.
Iрмосъ: Wчисти мя спсе, / мнwга бо беззакwнiя моя, / и изъ глубины swлъ возведи, молюся: / къ тебэ бо возопихъ, и uслыши мя,/ бже спсенiя моегw.
Лэтняя ваша память веселитъ сословiе иноковъ, прпбнiи кyрiлле и марiе. / Воистину блажени eсте, zкw имена ваша прославляются съ сыномъ вашимъ, сергiемъ прпбнымъ, / eгоже величаютъ игумена земли русскiя.
Истину въ житии взыскующе, преподобнии, / о телесныхъ небрегосте и земная преобидесте, / темже, мира отрекшеся, во обитель Хотьковскую вселистеся, / идеже въ подвизе иночества добре почисте.
Сохраните отъ золъ вашими теплыми къ Бгу молитвами, преподобнии, / всехъ, жительствующихъ во обители вашей, / ей же вы начальницы и покровителие.
Богородиченъ: Его же родила еси, Сына Твоего и Бога, / молити не престай, Богоневесто, / да избавитъ обитель Твою отъ всякаго зла и спасетъ души наша.
Кондакъ, гласъ г:
Днесь, вернии, сошедшеся, / восхвалимъ двоицу блаженную благовернаго Кирилла и Марию добронравную, / тии бо молятся вкупе со возлюбленнымъ сыномъ своимъ, преподобнымъ Сергиемъ, / ко Единому во Святей Троице Богу, / отечество наше въ правоверии утвердити, / домы миромъ оградити, / юныя отъ напастей и соблазновъ избавити,/ старость укрепити / и спасти души наша.
Пэснь з.
Iрмосъ: Божия снизхождения / огнь устыдеся в Вавилоне иногда./ Сего ради отроцы въ пещи, радованною ногою, / яко во цветнице, ликующе, пояху: / благословенъ еси, Боже отецъ нашихъ.
Рака мощей вашихъ днесь чудеса источаетъ / верою притекающимъ къ вамъ, блаженнии, иже и воспеваютъ: / благословенъ еси, Боже отецъ нашихъ.
Градъ Москва и окрестныя грады и веси / прославляютъ васъ своя избавители отъ напрасныя смерти и целители отъ смертоносныя язвы./ Сего ради днесь, яко же прежде спасайте почитающихъ васъ, преподобнии.
Измлада тяжкою болезнею одержима, / девица некая внезапное исцеление приятъ вашими и сына вашего къ Богу молитвами. / Съ нею же и мы благодарственно взываемъ: / благословенъ еси, Боже отецъ нашихъ.
Богородиченъ: Яко Деву и едину въ женахъ, безсеменно рождшую Бога плотию / прославляемъ Тя, о Богомати, / и таковому Божию смотрению удивльшеся, взываемъ: / благословенъ еси, Боже отецъ нашихъ.
Пэснь и.
Iрмосъ: Седмерицею пещь / халдейский мучитель / богочестивымъ неистовно разжже, / силою же лучшею спасены сия видевъ, / Творцу и Избавителю вопияше: / отроцы, благословите, / священницы, воспойте, / людие, превозносите во вся веки.
Воспоимъ, вернии, всечестную двоицу, Кирилла и Марию богоблаженныхъ,/ отъ нихъ бо возсия намъ Сергий досточудный, / украшение Церкве Православныя и монашествующихъ утверждение.
Единомудрени и единодушни добродетельми бысте, целомудреннии супрузи. / Помозите намъ въ чистоте и святости житие провождати,/ васъ бо теплыя ходатаи къ Богу стяжахомъ.
Любовь Христову, яже есть твердое основание супружеския жизни, / со тщаниемъ, блаженнии, хранили есте. / Сего ради молимъ васъ: / помозите супругом православнымъ въ любви сей пребывати / и домомъ ихъ благословение Божие стяжати.
Богородиченъ: Избави насъ отъ бедъ и многихъ соблазновъ, Всенепорочная, / Тебе бо вси стяжахомъ прибежище и утверждение и спасение душъ нашихъ.
Пэснь f.
Iрмосъ: Ужасеся о семъ Небо, / и земли удивишася концы, / яко Бгъ явися человекомъ плотски / и чрево Твое бысть пространнейшее Небес. / Темъ Тя, Богородицу, / Ангеловъ и человекъ чиноначалия величаютъ.
Како ублажимъ вы, предобрая двоице! / Како прославимъ благое сопряжение! / Аще и земнии бысте, но Небесныхъ достигосте, блаженнии, / идеже Святей Троице предстоите и молите спастися любовию васъ почитающимъ.
Ангельски на земли поживше, / ангела земнаго и человека небеснаго, преподобнаго Сергия, миру явисте, святии, / ныне же со Ангелы вкупе водворяетеся / и съ ними Трисвятую песнь Богови воспеваете.
Господь обитель Хотьковскую вами прослави, преподобнии иноцы,/ ею же Церковь Русская украшается и вамъ сице вопиетъ: / радуйтеся, всехвальнии, отечеству нашему твердии заступницы.
Богородиченъ: О, великое заступление печальнымъ, Богородице! / О, милости пучина и миру Покровъ! / Все упование на Тя возлагаемъ, сохрани насъ подъ кровомъ Твоимъ.
Светиленъ:
Радуется днесь светло Церковь Русская, / почитающи память вашу пречестную, Кирилле блаженне и Марие достохвальная. / Вами бо образъ веры и благочестия показася / и светильникъ отечеству нашему, Сергий преподобный, явися.
Слава, и ныне, Богородиченъ:
Яже Светъ Божественный неизреченно рождшая, / омраченныхъ насъ прилогами лукаваго и въ лености живущихъ просвети, Всенепорочная, / и настави къ добродетелем, яко всехъ благихъ Подательница.
На хвалитехъ стихиры, гласъ г:
Приспе днесь праздникъ преподобныхъ Кирилла и Марии, / радости духовныя исполненный, / приидите, российстии собори, / светло торжествуемъ, / и сихъ хвалами и песньми почтимъ: / радуйтеся, Небеснии человецы и земнии ангели, / Земле Российския заступницы и хранителие, / и молитвенницы о душахъ нашихъ.
Заповедь страннолюбия соблюли есте, святии, / людем бо въ путьшествии сущимъ, / домъ свой прибежище являсте. / Ныне же въ Небесныхъ чертозехъ пребывающе, / намъ, въ странствии жития сущимъ/ въ крове Бога Небеснаго помозите водворитися / вашими молитвами, блаженнии.
Добродетельми сияюще, / благочестно въ мире пожили есте, / святе Кирилле и преславная Марие, / смиренномудриемъ и чистотою украшенная. / Ныне же ходатаи къ Богу будите о отечестве вашемъ / и греховъ оставление испросите / чтущимъ любовию святую память вашу.
Блаженства непорочныхъ вожделевше, / путемъ заповедей Господнихъ текосте / и, суеты житейския избавитися хотяще, / во обитель Пресвятыя Богородицы вселистеся, / идеже земное странствие скончавше, / Вышняго Сиона достигосте. / Молитеся о насъ, преподобнии, / причастие Небеснаго Царствия и спасения душъ нашихъ улучити.

Слава, гласъ 8:
Приидите, празднолюбцы, / песньми духовными благочестно восхвалимъ / честную двоицу, благочестивую чету, / Кирилла и Марию приснопамятныхъ, / иже во обитель Хотьковскую притекше, / идеже и вечное упокоение обретоша. / Днесь же, раце мощей ихъ молитвенно предстояще, / яко покровителемъ и начальникомъ обители сия, / вкупе вси согласно взываемъ: / радуйтеся, преподобнии Кирилле и Марие, / обители Хотьковския преславное украшение.
И ныне, Богородиченъ:
Владычице, приими молитвы рабъ Твоихъ / и избави насъ / отъ всякия нужды и печали.
Славословiе великое. eктенiи и tтпустъ.
На Лiтургiи
Блаженны t канwна песни г-я и s-я. Прокiменъ, гласъ з:
Честна предъ гдeмъ / смерть преподобныхъ eгw. Стiхъ: Что воздамъ гдви w всэхъ, zже воздаде ми; аплъ къ галатwмъ, зачало сги. аллилуiа, гласъ s: блаженъ мужъ, бояйся гда, въ заповедехъ eго восхощетъ sэлw. стiхъ: сильно на земли будетъ сэмя eго. evлiе t матfеа, зачало i. причастный: радуйтеся, праведнiи w гдэ, правымъ подобаетъ похвала.